தமிழகத்தில் ஊரக உள்ளாட்சி தேர்தலில் போட்டியிட்ட வெற்றி பெற்ற பிரதிநிதிகளின் பதவிக்காலம் இன்றுடன் நிறைவு பெறுகிறது. அடுத்தகட்டமாக தேர்தல் நடத்தப்பட வேண்டிய சூழலில் எந்தவித அறிவிப்பும் வெளியாகவில்லை. எனவே மாற்று ஏற்பாடுகளை தமிழக அரசு மேற்கொள்ளும் எனத் தெரிகிறது.
இந்நிலையில் 2019ல் தேர்வு செய்யப்பட்ட ஊரக உள்ளாட்சி பிரதிநிதிகளின் பதவிக்காலம் 5 ஆண்டுகளை எட்டிய நிலையில் இன்றுடன் (ஜனவரி 5, 2025) நிறைவு பெறுகிறது.
இதையொட்டி தேர்தல் நடத்தப்பட வேண்டியது அவசியம். ஆனால் தற்போதைய சூழலில் அதற்கான வாய்ப்புகள் இல்லை என்றே தெரிகிறது. முன்னதாக ஊரக உள்ளாட்சி அமைப்புகளின் பதவிக்காலம் முடிவடையும் நிலையில், தேர்தல் தொடர்பாக 45 நாட்களுக்கு முன்பே அறிவிப்பாணையை மாநில தேர்தல் வெளியிடும்.
புதிய தேர்தல்கள் குறித்த அறிவிப்பு எதுவும் இல்லாத நிலையில், உள்ளாட்சி நிர்வாகத்தை தற்காலிகமாக நிர்வகிக்க சிறப்பு அதிகாரிகளை தமிழக அரசு நியமிக்கும் என எதிர்பார்க்கப்படுகிறது.
ஆரம்பத்தில் 28 மாவட்டங்களில் மட்டுமே தேர்தல் நடத்தப்பட்டது, மீதமுள்ள மாவட்டங்களில் வார்டு வரையறை முடிந்த பிறகு தேர்தல்கள் நடந்தன.
இந்த வெவ்வேறு கட்ட செயல்முறை உள்ளூர் நிர்வாகத்தின் முழு செயல்பாட்டை தாமதப்படுத்தியது.
சிறப்பு அதிகாரிகளை நியமிக்க மசோதா
மாநில தேர்தல் ஆணையம் (SEC) பொதுவாக பதவியில் இருப்பவரின் பதவிக்காலம் முடிவதற்கு 45 நாட்களுக்கு முன்பு தேர்தல் அறிவிப்புகளை வெளியிடும்.
ஆனால், அதுபோன்ற அறிவிப்பு எதுவும் வெளியிடப்படாததால், ஊரக உள்ளாட்சி நிர்வாகம் தொடர்வது கவலை அளிக்கிறது.
முந்தைய நிகழ்வுகளைப் போலவே, புதிய தேர்தல்கள் நடைபெறும் வரை உள்ளாட்சி நிர்வாகத்தை மேற்பார்வையிட சிறப்பு அதிகாரிகள் நியமிக்கப்படலாம்.
நாளை (ஜனவரி 6, 2025) தொடங்கும் தமிழக சட்டமன்றக் கூட்டத் தொடரில் இந்த விவகாரம் குறித்து விவாதிக்கப்படும் என எதிர்பார்க்கப்படுகிறது.
மேலும், இதில் ஊரக உள்ளாட்சி அமைப்புகளுக்கான சிறப்பு அதிகாரிகள் நியமனத்தை முறைப்படுத்த மசோதா தாக்கல் செய்யப்படலாம் என தகவல்கள் தெரிவிக்கின்றன.
Post a Comment